KALIBO, Aklan—Kapin sa P375 million pesos ro alokasyon it Department of Social Welfare and Development ukon DSWD region 6 para sa subsidiya it mga apektadong rice retailers sa rehiyon.
Suno kay May Rago-Castillo, tagapaghambae it DSWD region VI, haeos 250 ka mga maintok nga rice retailers ro mabenepisyuhan it nasambit nga kantidad.
Apang, ginklaro it ahensya nga ro Department of Trade and Industry ukon DTI ro nagkilaea sa mga benepisyaryo ag ro DSWD eamang ro magapanupod kanda it financial assistance sa idaeum it Sustainable Livelihood Program.
Nasayuran nga paga-umpisahan sa adlaw it miyerkules ro pagpanupod it ₱15,000 nga financial assistance sa mga maintok nga rice retailers sa western visayas nga apektado it price ceiling sa bugas.
Pagapangunahan ni Department of Social Welfare and Development (DSWD) Field Office 6 Regional Director Atty. Carmelo Nochete ro payout sa mga public market sa Iloilo City.
Magabuhay ro pagpanuod it bulig pinansiyal hasta sa Huwebes nga adlaw.
Bukon it kaibahan sa makabaton kara hay ro mga supermarket ag convenience stores.
