Kadungan sa kapistahan ni Sr. San Juan de Bautista, nagpatigayon it nagkaeain-eain nga aktibidades ro barangay council it Barangay Navitas, Numancia.
Suno kay punong barangay Frany Reyes nga gin-umpisahan nanda ro kapistahan pinaagi sa fluvial parade nga ginsundan it fun run nga proyekto it sangguniang kabataan.
Suno kana nga bangud sa ginaeauman nanda nga pagdagsa it mga beachgoers hay nagakalhit ro andang mga BPAT sa tatlong estasyon.
Kumpara ko nagtaliwan nga dag-on, mas sangkiri ro tawo makaron bangud nga natiempo raya sa adlaw it Lunes.
Obligasyon sigon it mga cottage owners ro pagtatap ag pagpadumdum sa andang mga bisita sa kon ano ro rules and regulations sa lugar.
Agud nga malikawan ro mga insidente it pagkaeumos, nagbutang ro Philippine coast guard sa baybayon it floater kon hasta siin eamang pwede nga magpaligos ag hugut nga ginabawae sa mga hilong nga magpaligos sa baybay.
Samtang, sa barangay tambak, new Washington pila sa mga gindayo makaron nga kapistahan hay ro karera it mga baroto nga gin-organize it andang LGU.
Kabi-i it domingo hay naging masadyua man ro andang kiay-kiay sa baybay ukon spash party.
