Karnero ,ginsentensiyahan nga mapresu  it tatlong dag-on  bangud sa pagpatay sa ginang  

Sangka karnero  sa South Sudan ro mapresu it tatlong dag-on matapos mapamatud-an nga guilty sa pagpatay sa sangka 45-anyos nga ginang.

Ro nasambit nga karnero hay gin aresto  it mga pulis  ko  Mayo 17 bangud sa pag-atake kara sa ginang nga si Adhieu Chaping.

Base sa  report,  insigidag namatay sa injuries si Chaping matapos imaw nga  atakihon it karnero  ag nahalitan ro anang gusok .

Igakulong it   tatlong dag-on   ro karnero  sa sangka military camp sa Aduel County headquarters.

Bilang penalidad  sa nagapanag-iya it karnero nga si  Duony Manyang Dhal, igatau  kara ro anang   limang baka bilang danyos perwisyo sa pamilya it biktima.

Pagkatapos it  tatlong dag-on nga pagkakulong, maagto ro karnero sa  pamilya it biktima.