Tumaas eon sa P435.4 million ro kasamaran sa sektor it agrikultura bangud sa pagpaeanasa it bagyong Paeng sa nasyon suno sa National Disaster Risk Reduction and Management Council (NDRRMC).
Bangud kara, apektado makaron ro kapin sa 24,000 nga mangunguma nga kaabuan hay mga manugtanom it paeay.
Suno kay NDRRMC spokesperson Assistant Secretary Raffy Alejandro sakop sa nadaeasa ro 16,200 ektarya it pananom nga kaeabanan hay pananom nga paeay nga gaabot sa 15,000 ektarya. Nagpromisa ma ro Department of Social Welfare and Development (DSWD) sa publiko nga nhaom sanda sa pagtao it bulig bangud may unang kapin sa P1.2 billion sa stockpiles ag standby funds ag masobra P264 million eon ro available quick response funds it ahensiya.
Sa pihak nga parte, ginapapahaum eon man ro mga ahensiya para sa impact it panibag-o eoman nga tropical depression nga ginatawag kay Queenie nga nakasueod eon sa Philippine Area of Responsibility kahapon it agahon , adlaw it Lunes.
