Ginaeauman nga magataas pa ro kaso it leptospirosis sa mga masunod nga dinominggo sa tunga it naeksperyensyahang pagbaha daea it mga pag-uean.
Angot kara, uman nga nag-apela si Health Secretary Ted Herbosa sa publiko nga likawang mag-eosong sa tubi baha.
Ginlaygayan man it opisyal ro publiko nga inde mag-eangoy sa baha bangud nga raya hay mahigko ag bukon it swimming pool.
Dapat man sigon nga bawaean ro mga onga nga maghampang sa baha.
Ginpaathag ni Sec. Herbosa nga bukon it makataeapon ro sangka tawo nga tinamaan it leptospirosis apang nabubuoe ro sakit bangud sa bacteria halin sa tubi-baha nga may ihi ukon higko it eanggam.
Bukon eamang it sa baha mabuoe ro sakit kundi maging sa eapok.
Rason nga ro pag-inom it prescriptive antibiotic para sa leptospirosis kaparehas it Doxycycline hay sangka pamaagi para mapunggan ro sakit.
Apang, ro pinaka-epektibong preventive measures hay likawan nga mag-eosong sa baga ag ipabilin nga malimpyo ro palibot.
