KALIBO, Aklan–Ginaeauman nga mai-raffle hin-aga, adlaw it Huwebes ro kaso nga ginpasaka it kampo it model stylist nga si Deniece Cornejo kontra sa actor/host nga si Vhong Navarro.
Raya hay kasunod it gina-alegar nga pagpanghimueos sigon it actor kay Cornejo ko 2014.
Suno kay Atty. Axel Gonzales, sangka kilaea ag batikan nga abogado sa Aklan nga engkaso nga ma-raffle ro kaso hay masunod nga igapagguwa kara ro Warrant of Arrest.
Makabig suno kana nga sangka seryoso raya nga kaso rason nga dapat matutukan.
Matueopangdan nga nagdihon it Motion for Reconsideration sa Court of Appeals ro mga abugado it aktor angot sa ginapangatubang nga rape case nga gindihon it Taguig City Prosecutors Office.
Nauna eon nga ginpahayag Atty. Alma Mallonga, legal counsel ni Navarro nga sa idaeom it Rules of Criminal Procedure, posibleng punggan ro pagpatuman it sangka desisyon sa pamaagi it pagdihon it motion for reconsideration.
Klaro suno kay Mallonga nga maskin sa panan-awan it Court of Appeals, bukon pa it pinal ro desisyon it korte ag premature ukon bukon pa it tyempo ro pagpasaka it kaso kontra kay Navarro.
