INTERNATIONAL News —- Namatay eon ro sangka eaeaki nga kauna-unahan nga nakabaton it heart transplant gamit ro tagipusuon it sangka baboy makataliwan ro daywang buean matapos ro surgery.
Ro 57 anyos nga si David Bennette hay namatay matapos nga nakita it mga doktor nga amat-amat raya nga naga-euya sa sueod it pilang adlaw.
Si Bennette hay eligible nga nakabaton it heart transplant gamit ro tagipusuon it baboy bangud man sa anang kondisyon, kun sa siin bedridden ag naka life support.
Nagpasaeamat man ro pamilya ni Bennette sa ospital nga nagpatigayon it surgery para sa last-ditch experiment.
Maabu man nga mga tawo ro nageaum nga mas pa nga mapabaskog ro nasambit nga eksperimento agud nga masulusyonan ro kakueangan it organ transplant sa kalibutan.
