HEALTH News —- Nagmayad ro sangka babayeng pasyente sa US sa human immunodeficiency viruses matapos makabaton it stem cell transplant halin sa sangka donor nga may natural nga immunity kontra sa virus nga nagatuga it AIDS.
Nasyauran nga ro babaye hay may leukemia.
Imaw ro kauna-unahang babaye apang pangatlo eon nga indibdiwal nga nagmayad sa HIV.
Ro nasambit nga kaso it pagbueong sa babaye hay gin-presentar sa Conference on Retroviruses and Opportunisitic Infections sa Denver kun sa siin naggamit it umbilical cord blood sa proseso.
Ginasugid nga bangud kara, magiging mas available eon ro pagbueong sa mga mas maabu nga tawo.
Umpisa nga makabaton ro babaye it cord blood para pangbueong sa anang acute myeloid leukemia — sangka cancer nga naga-umpisa sa mga selulang nagabilog it dugo sa bone marrow — ro babaye hay nagpaidaeum sa remission ag owa eon it nakitang virus sa sueod it 14 buean.
Raya hay maskin nga owa eon gingamitan it HIV treatment nga antiretroviral therapy.
Ro nasambit nga insidente hay kaparte it mas mabahoe nga pagtuon nga suportado it US.
Tuyo it pagtuon nga obserbahan ro 25 nga indibdiwal nga may HIV ag nagapaidaeum sa transplant gamit ro mga stem cell sa parehong proseso para sa pagbueong it kanser ag iba pang grabeng kondisyon.
