USA – Ginpalig’on it Korte Suprema it Estados Unidos ro sangka layi nga nagabawae sa TikTok sa Amerika mag-euwas kun maibaligya it China-based nga kumpanya kara ro ByteDance ro platform bago mag-Dominggo.
Ginhangkat it TikTok ro nasambit nga layi, nga ginahambae kara nga eabag sa proteksyon it kinamatarong sa paghambae para sa magsobra 170 milyong nagagamit kara sa US.
Apisar kara, eubos nga ginpamalibaran it pinakamataas nga korte it nasyon ro argumentong ngara, ngani kinahangean makausoy it TikTok it aprubadong manugbakae para sa bersyon kara sa US o atubangon ro pagkakas halin sa mga app store ag web hosting services.
Suno sa White House, responsibilidad it magasueod nga administrasyon ni Pangueong Donald Trump, nga magungko sa Lunes, ro pagpatuman it layi.
Nagpromisa si Trump nga magadeisisyon sa “uwa nagabugay nga paeaabuton”.
