KALIBO, AKLAN — Ginatantya nga umabot sa 60,000 ro mga turistang bumuhos ko nagtaliwan nga dominggo sa LaBoracay 2017.
Raya ro ginkumpirma sa Bombo Radyo ni Kristoffer Leo Vellete, OIC it Department of tourism (DoT)-Boracay sub-office.
Suno kana nga haeos punuan ro mga hotels ag resorts sa isla bangud sa uwa ginaeaumang pagbuhos it mga lokal nga turista ag mga celebrities nga ginasamantala ro long weekend tuga it ASEAN summit ag Labor Day kamana man ro kakatapos eamang nga Palarong Pambansa 2017 sa probinsya it Antique kon sa siin pila sa mga players hay nag-relax ag nag-celebrate sa Boracay.
Bangud sa kaabuon it mga tao, ginpahayag ni Vellete nga makabig sigon rayang pinakamataas nga tourist arrivals umpisa kat ginlunsar ro LaBoracay ko 2011.
Sa pihak nga parte, kaparehas sa ginaeauman, ro kasadyahan hay nag-aywan it sangkaterbang basura kapin eon sa white beach nga nagapangunang atraksyon sa isla.
Maabong upos it sigarilyo ag bote it ilimnon ro ginpilak it mga bisita nga eubus nga ginkadismaya it LGU-Malay nga sanda ro may hurisdiksyon sa Boracay.
Nasayuran nga problema sa makaron sa isla ro basura ag polusyon bangud sa kaabuon it mga turistang nagadayo kada dag-on.
