KALIBO, Aklan—Natigayon eon nga mapanupod sa taeatapan it mga senior citizens sa tanan nga barangay sa banwa it Kalibo ro mga laptops ag printers halin sa lokal nga gobyerno.
Raya hay sandig sa gin-aprubahan nga resolusyon ni sangguniang bayan member Agosto Tolentino nga nagahinyu kay mayor Juris Sucro nga magtaeana it pondo para sa pag-purchase it nasambit nga mga gamit nga pwedeng magamit sa andang mga kinahangeanon nga dokumento.
Eubus man sigon ro kalipay it mga senior citizens sa nabaton nga kagamitan.
Samtang, gindugang pa ni Tolentino nga masunod nga pagataw-an it kaparehong gadgets ro mga taeatapan it persons with disabilitis ukon PWDs sa banwa it Kalibo matapos nga aprubahan ro anang resolusyon nga may nakataeanang budget nga P500,000 pesos.
