KALIBO, Aklan—Kapin sa 85 porsyento eon nga haom ro lokal nga gobyerno it Malay ag ro isla it Boracay para sa igapatigayon nga mabahoe nga triathlon sports event sa Oktobre 19 hasta it 22, 2023.
Suno kay Oliver Sallas, triathlon event director nga nakasikyar eon sanda it mga nagakaigong permit maghalin sa LGU, Philippine Coast Guard ukon PCG, Municipal Disaster Risk Reduction Management Office ukon MDRRMO, Philippine Red Cross ag Malay Municipal Police Station kamana man assistance maghalin sa mga stakeholders partners.
Suno kana, kauna-unahan raya nga igapatigayon sa Boracay nga pagapasakupan it kapin sa 600 triathletes maghalin sa nagkaeain-eain nga parte it nasyon ag pilang mga dumueoong maghalin sa ibang nasyon.
Preparado eon man sigon ro mga venue it sporting events ag ginsigurado nanda nga convenient raya para sa mga atleta maghalin sa pagbisikleta, pagdaeagan ag sa pag-eangoy.
