KALIBO, Aklan — Dismayado ro lokal nga gobyerno it Malay sa ginhimo it Taiwanese tourist nga babaye matapos nga nagsuksok it micro bikini string ag ginrampa pa raya sa isla it Boracay sa sueod it daywang adlaw.
Suno kay Malay SB Member Nenette Aguirre-Graf, eskandaloso ro ginhimo it dumueuong bangud nga ginpagpyestahan imaw sa pampublikong lugar.
Bukon suno kana it tama ro ginhimo it turista maskin nga ginpaathag it mga raya nga “form of self expression” eamang ro andang intensyon bangud nagbakasyon sanda sa isla nga may ginapatuman nga ordinansa sa pagsuksok it swimwear.
Madumduman nga matapos nga nag-viral ro litrato it daeaga kaibahan ro anang nobyo hay gilayon sanda nga gin-usoy ag ginpamulta it Boracay Inter Agency Task Force ag pulisya it P2,300 sa pag-eabag sa Municipal Ordinance No. 203 series of 2003.
Ro nasambit nga turista nga uwa eon ginpangaeani hay kapin sa tatlong adlaw nga nag-chek-in sa isla ag nakauli eon sa andang nasyon kahapon nga adlaw it Huwebes.
