KALIBO, Aklan — Gin-insister ko lokal nga gobyerno it Malay, nga imaw ro may hurisdiksyon sa isla it Boracay nga uwa sanda nagkueang sa pagpadumdom sa mga bisita, turista ag mga residente nga may nagakaigong penalidad ro sin-o mang magakalhit it basura.
Raya hay kasunod it nag-viral sa social media nga litrato it mga plastic cups nga nakakalhit sa Boracay sa unang adlaw it dry run ko adlaw it Lunes.
Suno kay Rowen Aguirre, Executive Assistant for Boracay Affairs it LGU-Malay nga base sa Municipal Ordinance No. 311, series of 2012, may multang P1,000 hasta P2,500 ukon pagkakakulong it napueong adlaw hasta it an-om nga buean ro sin-o man nga magaeabag.
Sa kamatuoran sigon hay nagpaguwa pa it sangka official video si Malay Mayor Ceciron Cawaling ko Agosto nga halin ko Setyembre 1 hay hugot eon nga igapatuman ro ordinansa sa paglimita sa paggamit it mga plastic sa isla ag bilog nga banwa.
Ginabawaean makaron sa isla ro paggamit at pagbaligya it plastic bag sa mga dry goods, ag bawasan ro paggamit kara sa mga wet goods.
Ginabawaean eon man ro paggamit it styrofoams.
