KALIBO, Aklan—Nagpatigayun it public hearing ro lokal nga gobyerno it Kalibo kahapon para talakayon ro ordinansa angot sa pagdugang it pasahero sa mga nagabiyaheng tricycle sa banwa it Kalibo.
Suno kay Ex-Officio member ag Pook Punong barangay Ronald Marte nga kaibahan man sa pagdungog si Sangguniang Bayan member Matt Aaron Guzman bilang Chairman it Committee on Transportation ag iba pang natungdan nga sector.
Suno kay Marte owa man it problema kung ipatuman raya basta masunod eang ro minimum health protocols bangud nagapabilin gihapon nga prayoridad ro kaeuwasan it publiko sa tunga it pandemya.
Kaibahan sigon sa andang gintalakay ro posibleng pagpabilin it presyo it presenteng panueoktan maskin nga maging tatlo eon ro sakay nga pasahero it kada tricycle.
Samtang, nagapati man ro opisyal nga dapat balansehon ro sitwasyon para maging paborable raya sa parehong driver ag commuters.
