KALIBO, Aklan—Nagpanupod ro lokal nga gobyerno it New Washington it Department of Social Welfare Development ukon DSWD Family Food Packs sa mga pamilya nga apektado it oil spill maghalin sa bisinidad it Metallica Shipyard sa Brgy. Polo, New Washington kasuno sa pagleak it lube oil it ginabreak nga power barge.
Ro mga benepisyaryo it ikaywag batch it distribution it family food packs hay ro mga residente maghalin sa Barangay Polo, Barangay Poblacion, ag Barangay Pinamuk-an it nasambit nga banwa.
Nauna eon nga nagpaguwa it executive order si New Washington mayor Jessica Panambo angot sa temporaryong pagsuspinde sa pagpangisda sa kasubaan sa bisinidad it shipyard sa Brgy. Polo, District 1, 2 ag 3 sa Brgy. Pinamuk-an; Sitio Malogo, Kamingawan, Lagatik riverside sa Brgy. Poblacion ag Sition Kamanggahan sa Brgy. Tambak sa nasambit nga banwa.
Ro nasambit nga tikang it lokal nga gobyerno hay agud nga maprotektahan ro ikaayong eawas it mga pumueoyo sa kontaminasyon nga resulta it oil spill.
