KALIBO, Aklan — Kapin sa 22 diyas antes ro soft opening it Boracay, ginakwestyon it pilang business establishments ro Department of Tourism (DOT) kon anu ro naging basehan sa pagpaguwa it 25 inisyal nga listahan it mga resorts ag hotels nga ginapasugtang maka-operate sa Oktubre 26.
Sa interview it Bombo Radyo, ginpahayag ni Benjie Villasis, head maintenance it GT Resort Boracay nga bisan sanda hay nagakahangawa sa magka-ibang statement it Department of Environment and Natural Resources (DENR) ag DOT.
Base sigon sa pahayag it DENR nga uwa pa sanda nakapaguwa it bag-ong Environmental Compliance Certificate (ECC) nga sambilog sa mga requirements antes mataw-an it accreditation it DOT.
Sa pihak nga parte, dugang pa ni Villasis nga nabuhayan sandang maka-comply bangud sa mga pabag-o bag-ong requirements kapin eon sa construction it sewage treatment plant (ECC).
Dugang pa kara nga maabo pang mga business operators ro nagakumahog nga makompleto ro mga requirements agud makaeagas sa Boracay reopening.
Sa makaron hay hugot nga ginapatuman it inter-agency task force ro “no compliance, no opening” policy agud masiguro nga ro mga establisimento hay makasunod sa rules and regulations.
