KALIBO, Aklan—Bukon it pabor ro Land Tranportation Office (LTO -Aklan) nga pagabutangan it barrier ro mga motorsiklo para sa pag-angkas.
Suno kay Engr. Marlon Velez it LTO -Aklan nga ro nasambitan nga guidelines hay ginapagguwa ag gin-aprobahan it Department of Interior and Local Government (DILG) ag owa kara it kahilabtanan ro Department of Transportation (DOTr).
Ginapahayag dugang nga imaw mismo bilang sangka rider hay nagapati nga bukon it safe ro pagpatakod it barrier sa motorosiklo.
Delikado man sigon raya para sa mga rider engkaso nga may makasubeang nga bus ukon saeakyan kung sa siin posibleng madaea raya it mabaskog nga hangin.
Samtang, ginapahayag dugang ni Engr. Velez nga kung may angkas ro sangka rider hay may violation.
Apang, kung mag-asawa ukon maglive-in partner hay gintaw-an it konsiderasyon.
Kung owa man it barrier hay may konsidersyon sa gihapon kung sa siin pwede nanda rayang eaygayan eamang nga magpanaog ukon magsakay sa ibang saeakyan.
Pagadakpon man ro mga may angkas maskin may barrier pa kung bukon it mag-asawa ukon maglive-in partner.
Kasong pag-eabag sa social distancing ag reckless driving ro posibleng paga-atubadngon it mga magabayolar ag kung saea ro barrier nga nakatakod sa andang ginamanehong motorsiklo.
