TANGALAN, Aklan — Nakataeana nga paga-isyuhan it show cause order it Land Transportation Office (LTO) ro driver it patrol car it Malay Municipal Police Station nga naimbolbar sa aksidente nga nag-eontad sa national highway nga sakop it Barangay Tamalagon, Tangalan, dominggo it hapon, Mayo 25, 2025.
Gin-insister it LTO Aklan chief Engr. Marlon Velez nga patas ro andang pagtrato sa tanan kon sa siin uwa sanda it ginapili maging miyembro man raya it ahensya it gobyerno ukon civilian maipatuman eamang it tampad ag eksakto ro naga-iral nga laye.
Nauna eon nga nag-overshoot ro patrol car it nasambit nga taeatapan it pulisya kon sa siin nakaangkon raya it mga kasamaran matapos nga sumunggab sa pader it baraka sa nasambit nga lugar.
Samtang, nakaangkon mat-a it minor injuries ro daywang ka mga pulis nga sakay it patrol car nga eagi man nga nataw-an it nagakaigo nga medikasyon sa ospital.
