KALIBO, Aklan — Naninahan ro mag-asawa kaibahan ro andang unga nga babaye matapos nga masaeawig it kaparehong motorcycle rider, Sabado it gabi-i sa Brgy. Tondog, Tangalan.
Nakilaea ro mga biktima nga sanday Roderick Castillo, 34 ag asawang si Valentina, kaibahan ro andang unga nga naga-edad it tatlong dag-on, puro mga residente it Brgy. Silacat Nonok, Lezo.
Nakilaea man ro suspek nga si Fredan Tibobos, 30, ag residente it Brgy. Agbago, Ibajay.
Base sa report it Tangalan Police Station, halin sa sangka okasyon ro mga biktima ag magapa-uli eon kunta kat gulping masaeawig it nag-overtake nga motorsiklo nga andang kasunod.
Ginpahayag dugang nga nahapit ni Tibobos ro andang manibela rason nga natumba ro andang motorsiklo sa karsada.
Insigidang gindaea ro mga biktima sa ospital para sa nagakaigo nga pagbueong.
Nakaangkon it pagkasugot ro magtimbang nga parte rason nga napahilway ro driver nga si Tibobos.
