Presente nga 21,492 pamilya ro una sa mga evacuation center kasunod it nagtaliwan nga bagyong ‘Nika’, ‘Ofel’, ag ‘Pepito’ suno sa report it Department of Social Welfare and Development (DSWD).
Base sa datos it DSWD-Disaster Response Operations Monitoring and Information Center, una sa 75,110 indibidwal gihapon ro presente nga una sa 673 nga evacuation center sa nasyon.
Dugang pa kara nga una sa 46,141 nga katawo ro ginpili eun lamang nga magdayon sa andang mga abyan ag mga himata.
Nakapaabot eun man ro ahensya it humanitarian aid nga nagaabot sa P405.74 million kaibahan ro mga iba pa nga pamilyang naapektuhan it mga nagtaliwan nga bagyo.
Ginreport man it DSWD nga may una pa sanda nga P2.32 billion nga resources kun siin P144.43 million kara hay naka standby funds ag nagaabot man sa P2.18 billion ro haega it pagkaon ag non food items nga nakapahaom sigon agud igapanupod.
