NATIONAL News — Ginlaygayan it Department of Agriculture ro mga nagabo-oe it mga naga-oehut nga mga amamakoe nga bugana kada tag-uean kasunod it mga napabalita nga mga kaso it food poisoning.
Base sa sangka advisory nga ginpaguwa it ahensiya, kon bukon it sigurado hay indi basta-basta eaha-on ag kaunon.
Ginpahayag it DA nga ro kaeabanan nga pisikal nga kina-iya it mga makahieilo nga amamakoe, partikular ro mga variant it amanita, hay mga matsa may himbis sa takop, manipis nga puting hasang ukon spora, mga istrukturang matsa singsing ukon palda sa andang mga tangkay, ag mga takop nga korteng payong.
Sa makaron hay nakalista eon ro DOH it an-um nga mushroom poisoning nga insidente ko Mayo ag Hunyo.
Nakabaehag sa pampublikong advisory it DOH nga ro mga mushroom nga owa ginakaon hay naga-angkon it mga hilo nga naga-target sa gastrointestinal system ag nervous system nga may mga sintomas halin sa allergic reactions hasta sa pagsakit it tiyan, pagpaeanuka, paghigku it mabasa, hallucinations ag pagbag-o sa pagbinatasan.
Ro mga sintomas hay nagakatabu 30 hasta 60 minuto pagkatapos kaunon ro ginatawag nga magic mushroom samtang ro pagkaon it toadstool mushroom hay makaangkon it mga sintomas sa sueod it 30 hasta 120 minuto.
Ginpahayag it DOH nga ro ka-grabe it mga sintomas hay magadepende sa species, hilo ag kaabuon it nagakatunaw rason nga magka-iba ro pagbueong sa mga sintomas.
