KALIBO, Aklan—Magaarangkada eon ro opening salvo it Kalibo Sto. Niño Ati-atihan Festival 2024 sa Oktobre 6 hasta 7 it presenteng dag-on.
Suno kay Mark Sy, tagapaghambae ni Kalibo mayor Juris Sucro, sa nasambit nga aktibidad hay pagaeauman ro makolor ag masadya nga event bangud nga raya eon ro pag-umpisa it ginakabig nga Mother of All Philippine Festival.
Sa kamatuoran suno kana hay ko buean it Hunyo hay gin-umpisahan eon nanda nga planuhan ro pila ka mga programa nga pagahimuon sa ginabantayan nga event.
Eauman sigon ro pila ka mga bigating performers sa sueod it daywang adlaw nga aktibidad.
Ginpasiguro nanda sa publiko nga maga-enjoy ro mga raya ag masadyahan sa nasambit nga aktibidad.
Si Sy hay sambilog sa mga namanduan nga magmanehar it event.
