Ginsapubliko ni US DOJ Special counsel Jack Smith ro mas maabo pang mga ebidensiya sa 2020 elections interference case kontra kay dating US President Donald Trump.
Raya hay kapin sa 1,900 redacted pages it mga dokumento nga may ap-at nga volumes maskin nga may mga blank pages.
Ro unang set it mga ebidenisya hay angot sa mga excerpts it nagkaeain-eain nga committee interview it US House of Representatives ko January 6 bilang parte it imbestigasyon it panel sa natabo nga capitol riot.
Ro ikaywang set of evidence mat-a hay may mga selyadong panig kamana man ro mga tweets ag iba pang social media posts ni Trump ag anang mga kaalyado kaibahan ro pilang mga posts ko January 6 Capitol riot kon sa siin nagpatutsada si Trump kay dating Vice President Mike Pence nga uwa sigon it kabaskog it boot para suportahan ro anang pagtinguha nga baliskaron ro election results.
Ginaeauman nga ro ginpaguwa nga mga ebidensiya hay pagagamiton ni Smith para kasuhan si Trump.
