KALIBO, Aklan—Mas maabung Russian ag Uzbekistan tourists ro ginaeauman nga magabisita sa Boracay sa ulihing mga binuean it makaron nga dag-on ukon sa unang parte it masunod nga dag-on matapos nga nagpaabot it interes ro sangka airline company nga makaangkon it direct flight halin sa nasambit nga mga nasyon paagto sa Kalibo international airport.
Suno kay Engr. John William Fuerte, Civil Aviation Authority of the Philippines ukon CAAP-Aklan manager nga nakabaton imaw it letter of inquiry ko nagtaliwan nga domingo angot kara.
Kumpiyansa ro CAAP nga maka engganyo ro gobyerno it mga turista maghalin sa Uzbekistan nga makabisita sa Pilipinas partikular sa Boracay kasunod sa paghaeuga it mga travel restrictions.
Gindugang pa ni Engr. Fuerte nga antes ro pandemya hay maabu eon nga mga Russian tourist nga nagabisita sa Boracay eabi eon kon winter season agud nga paeagiwan ro sobrang eamig sa andang nasyon.
Sa pihak nga parte, nagapabilin nga mga Koreanong turista ro may pinakamaabu ag nagapanguna makaron sa mga bisitang dumueuong sa isla kasunod ro China bangud sa mga direct flights.
