KALIBO, Aklan—Naga-abot eon sa masobra sa 800,000 ro tourist arrivals nga nailista sa Isla it Boracay umpisa Enero hasta Disyembre makaron nga dag-on base sa datos it Malay Tourism Office it lokal nga gobyerno it Malay.
Suno kay Malay Tourism Officer, Dr. Felix delos Santos Jr., pinakamaabu gihapon ro mga domestic tourists ukon mga pinoy nga halin sa nagkaeain-eain nga lugar sa nasyon.
Amat-amat eon man suno kana nga nagataas ro numero it mga foreign tourists sa 30-40% kamana man ro mga overseas Filipino workers nga nagbakasyon sa Boracay.
Ginpahayag pa ni delos Santos nga sa kasagsagan it Love Boracay makaron nga Mayo ag mga long weekend hay mas pang naga-abu ro mga turista bangud sa mga ginapatigayon nga paka-aga nga regulated beach party.
Todo enjoy man sigon ro mga turista sa mga gina-offer nga land tours, sea sports ag aqua sports ag island hopping.
Padayun man ro andang padumdum sa mga turista nga maging responsableng biyahero ag ipabilin nga malimpyo ag eowas ro isla.
Sa pihak nga parte, ginkalipay man it Malay Tourism Office ro pagiging rank 9 it Boracay sa “The World’s Most Beautiful Sunset Destinations for 2023” it Bounce website.
Aminado si delos Santos nga padayun nga ginadayo ro isla bangud sa nakaka-engganyo nga view it sunset idtu.
