-- ADVERTISEMENT --
KALIBO, Aklan–Ginaeauman eon it mga pumueoyo sa nakatungdan nga parte it America ro masyadong mainit nga temperatura umpisa makaron nga adlaw.
Suno kay Bombo International Correspondent Greg Aguilar it California, USA nga ginabuebanta nga maga-abot sa 47 hasta 51 degrees celsius ro temperatura sa masunod nga pito hasta napueong adlaw.
Pila sa mga lugar nga maka-eksperyensya it extreme weather condition hay ro Palm Springs, Phoenix ag Las Vegas.
Bangud kara, gin-abisuhan eon man sigon ro mga pumueoyo eabi eon ro mga senior citizen nga likawan anay ro pagguwa kung owa it importanteng transaksyon sa baylo hay magpabilin eon lang sa sueod it panimaeay.
