KALIBO, Aklan—Nagapadayon pa ro imbestigasyon it Bureau of Fire Protection ukon BFP sa nag-eontad nga sunog ko Hunyo 4, adlaw it Martes sa Barangay Poblacion sa banwa it Nabas.
Suno kay FO2 Mark Jerome Mabacquia, OIC Chief Investigator it BFP Nabas nga partially burned ro material recovery facility matapos nga masunog bandang alas-5:34 it hapon.
Bangud sa maabong maduktan ro kaeayo, madasig raya nga nagbahoe ag nag-eapad rason nga ginpataas sa ikaywang alarma ro sunog.
Ginpahayag dugang ni FO2 Mabacquia nga nagresponde man sa lugar ro mga fire fighter personnel it mga fire stations it banwa it Ibajay, Makato ag Tangalan kon sa siin umabot it pilang oras antes nga naapula ro kaeayo bangud nga maeayo pa ro andang ginaboe-an it tubi.
Kapin sa P16,000 pesos sigon ro ginatantya nga danyos it sunog.
Samtang, uwa man it nadaeahig nga iba pang istraktura ag uwa man it naninahan sa nasambit nga insidente.
