KALIBO, Aklan—Nakalista it pilang mga pumueuyu nga nakaexperiensiya it pagkahilo samtang nagabisita sa mga nagapangunang sementeryo sa banwa it Kalibo.
Suno kay Rowel Lachica, team leader it Municipal Disaster Risk Reduction and Management Office ukon MDRRMO Kalibo nga kaina it agahon hay may sambilog sanda nga ginrespondehan sa Medalla Milagrosa Cemetery matapos nga makabatyag it paghilo.
Sa pihak kara, ginatutukan man it andang team ro Old Roman Catholic Cemetery bangud sa pagbuhos it mga tawo ag makitid nga entrance pasueod.
Gindugang pa ni Lachica nga sa sueod ag guwa it sementeryo hay may nakadeploy sanda nga tawuhan nga magatau it first aid kamana man transportasyon kon kinahang-eanon pinaagi sa andang naka-standby nga ambulansiya.
Panawagan nana eabi eon sa mga senior citizens nga likawan anay nga makipagdueutdutan ag ipaiway ro pagbisita sa mga mahae sa kabuhi nga nagtaliwan eon hin-aga ukon sa masunod nga mga inadlaw.
