-- ADVERTISEMENT --
Gin-ilihir bilang unang babayeng presidente sa Mexico si Claudia Sheinbaum.
Ro 61-anyos nga si Sheinbaum hay dating alkalde it Mexico City.
Suno sa official electoral authority it Mexico nga nakabuoe imaw it boto halin 58% hasta 60% nga boto sa eleksyon nga ginpatigayon, adlaw it dominggo.
-- ADVERTISEMENT --
Kapin sa 30 porsyento ro abante sa anang kaengkwentro nga si Xóchitl Gálvez nga sangka negosyante.
Pormal nana nga pagabuslan si outgoing President Andres Manuel Lopez Obrador sa Oktubre 1.
Ro pila sa anang programa hay ro igapadayon man ro programa ni Obrador.
Ko 2018 hay imaw ro unang naging babayeng alkalde it Mexico City hasta ko 2023 kat raya hay nagpanaog eon sa puwesto para pagpailihir sa pagkapresidente.
