Gin-engganyo it Presidential Anti-Organized Crime Commission (PAOCC) ro mga lokal nga gobyerno partikular ro mga alkalde nga magbulig sa pagtapna sa mga ilegal nga Philippine Offshore Gaming Operators (POGOs) nga gintawag nga scam farms.
Suno kay PAOCC spokesperson Winston Casio, kinahang-ean it Department of the Interior and Local Government (DILG) nga abuton ro atensiyon it tanan nga local chief executives kon sa siin nakabase ro nasambit nga mga scam farms.
Inde sigon mabalibaran ro existence it nasambit nga mga ilegal nga Philippine Offshore Gaming Operators.
Ginpuna man it PAOCC official ro Pagcor sa kawad-an it monitoring sa mga POGO ag gin-insister nga uwa nagatapos ro responsibilidad it gaming regulator sa oras nga nakansela eon ro permit it POGO.
Dugang pa it opisyal nga dapat makipag-angot ro Pagcor sa mga kaangot nga ahensiya it gobyerno kaibahan eon ro Bureaue of Investigation ag DILG para masiguro nga inde eon mag-operate ro mga POGO nga nakansela eon ro andang permit.
