Mga buwaya, nagtaeang sa mga kabaeayan kat nag-awas ro suba nga andang nakahamtangan sa India

Mag-eowas sa grabeng pagbaha, nagtuga man it kahadlok sa mga residente sa Vadodara sa Gujarat, India, ro pagtaeang sa mga kabaeayan it mga buwaya nga nabulabog sa andang ilistaran kat nag-awas ro suba.

Sangka alagang ayam ro uwa nakaeowas kat sakmaeon raya it buwaya. Sa mayad nga swerte, uwa it naireport nga tawo nga nabiktima it mga buwaya.

Gintamaan ro Vadodara it severe flooding kon sa siin maabong kabaeayan ag saeakyan ro naeomos sa gulpyadang pagragasa it tubi-baha.

Haeos kada dag-on eon raya nga naeeksperyensyahan it mga residente bangud sa kawad-an it maayos nga drainage system sa lugar.

nag-awas ro mga suba kaibahan ro Vishwamitri River nga ginaistaran it kapin sa 300 nga mga buwaya.