KALIBO, Aklan—Dumagsa ro mga ginakabig nga ‘modern heroe’s sa uman nga pagbukas it Dugong Bombo 2023, A Little Pain, A Life to Gain” ko adlaw it Sabado sa Aklan Trade Hall sa kilid it ABL Sports and Cultural Complex sa Capitol Site.
Owa nagduha-duha sa pagsabat sa panawagan it gintingub nga pwersa it Bombo Radyo Philippines, Bombo Radyo Foundation Incorporated ag Philippine Red Cross ro mga indibidwal nga may mabinueawanon nga tagipusuon ag pag-ulikid sa isigkatawo nga mag-donate it andang dugo.
Ginatos nga katawo ro naging successful blood donors nga nagtambong sa proyekto.
Pareho man nga ginpasaeamatan nanday PRC-Aklan chapter administrator Mary Joe Galleon ag Dr. Carlo Nolan Carado, manager it Western Visayas Regional Blood Center ro ginpatigayon nga blood letting activity.
Mabahoe sigon nga bulig ro natipon nga dugo agud nga makapa-extend it kabuhi it mga nagakinahangean kara nga pasyente nga kinahangean nga ipaidaeum sa blood transfusions.
Samtang, ro tanan nga mga successful blood donor hay nakabaton it ‘Dugong Bombo’ t-shirts bilang souveiner ag pagpasaeamat sa mga nagsabat sa dere-deretso nga inisyatibo it Bombo Radyo Philippines.
Raya ro uman nga pagpatigayon it dueueungan ag maeapnagon nga blood letting activity partnerships it Bombo Radyo ag ibang grupo pagkatapos it pandemya sa bilog nga nasyon nga may una nga Bombo Radyo ag Star FM stations.
