KALIBO, Aklan—Nag-apela ro mga mangingisda nga magpatunga eon ro gobyerno agud nga mapahagan-hagan ro epekto it pagtaas it presyo it produktong petrolyo.
Raya hay kasunod it ginpatuman nga bigtime oil price increase makaron nga adlaw it Martes.
Suno kay Alfonso Camallarie, sangka mangingisda halin sa Pook nga kunta hay makaangkon it regulation ro pagpataas it petrolyo eabi eon ro diesel nga kaeabanan nanda nga ginagamit.
Masyado sigon nga mabug-at kanda ro panibag-ong oil price hike kun sa siin ro diesel hay nagtaas it masobra sa 6 pesos kada litro.
Paswerte-swerte suno kana ro pagpangisda rason nga may kahigayunan nga lugi sanda eabi eon makaron nga nagsirit eon man ro presyo it petrolyo.
Sanda eon sigon ro naga-adjust agud nga nga mapa-igo-igo ro andang starting capital bangud sa sitwasyon.
Indi man nanda maaywan ro pagpanagat bangud nga raya eon ro andang nabugtawan nga pangabuhian agud nga magbuhi sa andang pamilya.
