Nagakalat ag nagalibot ro maabo nga sakayang pandagat it China sa may West Philippine Sea.
Pahayag niJoey Marabe, PAMALAKAYA, Provincial Coordinator of Zambales nakikita gihapn nanda ro presenya it navy ag China militia ngani nga uwa nanda ginpaabot ro andang mga sakayang pandagat sa 100 nautical miles bangud nagakabaeaka man sanda nga dakpon it Chinese Coast Guard.
Samtang, ro kulungan sa idaeom it tubi ukon payaw sigon hay dahon it niyog nga nakakabulig para makasupply sanda ag handum nanda nga mag’abo ro yamang dagat.
Una man sigon naga’itlog ro mga isda ukon baeay ag taguan it mga isda.
Nagabuoeligan eang sigon sanda kontra sa presensiya it China agud indi madakpan bangud nga ginbilinan sigon sanda nga indi magprovoke ag mangisda sa matawhay nga pamaagi.
Sa pihak nga parte, ginpaabot man ni Marabe ro natabo nga fishing exhibition it PAMALAKAYA ku nagtaliwan nga buean kaibahan ro maabong organisasyon, sa makaron suno kana hay undersurveillance ro iba kanda it 69 IV.
Panindugan nanda nga sanda eun nagaprotekta sa nasyon sanda pa ro ginadudahan ag raya hay andang ginpaabot sa Commission on Human Rights.
Pahayag ni Marabe nga nagapangisda sanda para sa andang mga kapamilya ag agud may ibaligya.
May mga sayod man imaw nga undocumented Chinese nga naga’dredging sa may baybayon it San Felipe, Zambales.
Nasikapan sigon nanda nga mangin mapagmata ag insigida nga ginasugid sa mga otoridad ro andang mga obserbasyon ag uwa man sanda naila it gulo bangud apektado ro Pilipinas.
