Mga manugbaligya nga nagadaea it produkto sa Kalibo, kinahang-ean nga magbayad it permit ag ticket halin sa munisipyo

Ginklaro ni Sangguniang Bayan member Augusto Tolentino ro kaundan it anang ordinansa para sa mga nagabaligya sa sueod it Kalibo Public Market ag talipapa.

Suno sa opisyal, nakabaehag sa anang ordinansa ro pag-require sa mga transient seller and buyer, livestock, poulty ag iba pang agricultural product nga magbuoe it permit sa lokal nga gobyerno.

Buot hambaeon kara, kinahang-ean nga magbayad it permit ag ticket halin sa munisipyo ro mga manugbaligya nga nagadaea it produkto sa Kalibo.

Sakop sigon kara ro mga nagabaligya sa sueod it tindahan ag mga talipapa.

Tuyo kara nga maging patas ro pagpatuman it laye sa tanan nga negosyante.

Nagakadapat eamang sigon nga magsunod ro tanan sa mga ginplastar nga polisiya agud nga indi makaangkon it problema.