Kalibo Aklan——- Ginkumpirma ni PLt. Larry Jhon Vidal, team leader sa Kalibo-Numancia Bridge border checkpoint nga nagausoy sanda it mga dokumento nga magapamatuod sa pagsueod it sangka indibidwal sa banwa.
Raya hay bilang pagsunod sigon sa nakabaehag sa Executive Order nga ginpirmahan ag ginpaguwa ni Aklan Governor Florencio Miraflores.
Ginpahayag dugang nga ginatan-aw nanda kon nagasunod ro mga driver it behikulo sa eksaktong required nga pasahero bilang pagtuman sa physical distancing.
Ginklaro kara nga ro mga workers eamang nga nagatrabaho sa category 1 hasta 3 nga ginbuksan ro pwede nga makasueod sa banwa it Kalibo provided nga may mga identification card ro mga raya nga ginapakita.
Mag-eowas kara, ro may transaksyon sa banwa hay kinahang-ean gihapon nga magpakita it certification nga gin-isyu it andang alkalde ag dapat may quarantine pass maskin nga 21 hasta 59-anyos ro ginapasugtan nga makaguwa it panimaeay.
Dugang pa kara nga kon una sa General Community Quarantine ro bilog nga probinsya it Aklan hay bukon it buot hambaeon hay magpinagusto eon lang ro mga tawo.
