KALIBO, Aklan — Nag-abot eon sa 746,493 ro mga learners nga nagpa-enroll para sa basic education sa bilog nga Western Visayas para sa school year 2024-2025 as of July 15, 2024.
Raya hay ginaeakipan it mga enrollees halin sa public schools, private schools, State Universities and Colleges (SUCs) ag Local Universities and Colleges (LUCs).
Sa nasambit nga numero, 377,068 ro halin sa Kindergarten hasta Grade 6 samtang 242,104 sa Grade 7 hasta 10.
Sa Senior High School ukon Grade 11 to 12, ro nagpa-enroll hay naga-abot sa 127,321 .
Ko nagtaliwan nga school year hay nag-abot sa masobra sa 2 million ro nagpa-enroll sa basic education .
Angot kara, ginpahayag ni Hernani Escullar Jr., DepEd-6 information officer nga ro nasambit nga numero hay posibleng pa nga magataas bangud nga haeos daywang domingo pa ro nabilin antes ro pormal nga pagbukas it klase sa Hulyo 29 .
Raya hay sa pihak nga may pilang private schools eon ro nag-umpisa it klase ko Hulyo 15 kun sa siin required sanda nga maabot ro number of school calendar days nga aprubado it DepEd.
Sa pihak nga parte, padayun sanda nga nagahueat it mga guidelines halin sa central office angot sa pagpungko ni incoming DepEd secretary Sonny Angara Jr.
