Mga OFW sa  Hong kong ,  bukon it kuntento sa  ginatau nga dugang nga sweldo

Bukon it  kuntento ro mga Pilipino ag iba pang dumueuong nga  domestic workers sa Hong Kong sa  gintau nga dugang nga sweldo ag food allowance.

Insulto sa mga foreign domestic workers halin  sa Pilipinas, Nepal, Sri Lanka ag Indonesia ro gin-aprubahang 100 Hong Kong dollars nga kada buean nga sweldo    ag  23 dollars nga dugang  sa food allowance.

Bangud kara,   ginapadayun nanda ro pakikipagsukoe para sa tamang dugang nga sweldo  ag allowance.

Samtang, pilang Overseas Filipino Workers man ro nagpasaeamat  bangud nga maskin paalin hay makabulig  gihapon  ro  wage increase ag dugang nga  food allowance kanda.