KALIBO, Aklan—Uman nga nagpadumdom ro guwardiya it Medalla Milagrosa Cemetery sa mga pumueoyo nga maging madahan ag magsunod sa ginpagguwa nga guidelines it lokal nga gobyerno angot sa pagbisita sa mga sementeryo.
Suno kay Norberto Clarite, guwardiya it Medalla Milagrosa Cemetery nga pasado alas-5:30 kaina it agahon kat ginbuksan nanda ro gate it sementeryo.
Apisar nga temprano pa hay maabu eon nga mga pumueoyo ro nag-adto sa sementeryo para magsindi it kandila, maghaead it bueak ag pangamuyo para sa andang mga nagtaliwan nga mahae sa kabuhi.
Posible sigon nga ginakalitan it mga raya ro manami nga panyempo.
Gintaw-an man kara it punto nga hugut nga ginabawae ro pagdaea it de botelyang ilimnon, armas, mataeom nga bagay ag pagkaraoke.
Apang, pwede sigon nga magtao it sobre para sa mass intention kung siin raya hay pagabasahon mismo sa sueod it sementeryo.
Ginpahayag dugang nga may pilang porsyon pa it nasambit nga sementeryo nga madaeom gihapon ro tubi-baha tuga it pag-uean ko mga nagtaliwan nga adlaw bangud sa bagyong Paeng.
