BANGA, Aklan—Sa ika-ap-at nga adlaw it pagpatigayon it search and retrieval operation it gintingob nga pwersa it nagkaeain-eain nga rescuers ag divers, napas-eawan gihapon ro mga raya nga makit-an ro eawas it 15-anyos nga binatilyo nga ginaalegar nga naeomos sa Aklan river nga sakop it Brgy. Polo, Banga.
Sa pakikipag-angot it Bombo Radyo sa sangka albularyo nga si Edgardo Aguelo it banwa it Lezo, nakit-an nana sa pagtawas sa papel nga ginkailaan ro biktimang si Jhuros Flores it banwa it Banga it engkantadong taglugar kon sa siin abuton pa it daywa hasta sa ap-at nga adlaw antes raya nga buhian it mga taglugar.
Nakit-an dugang kara base sa anang pagtawas nga uwa eon sa lugar it naeomsan nana ro binatilyo kundi ginhunos eamang imaw sa lugar ag ginapunggan nga makabutwa eagi.
Ro lugar kon sa siin raya naeomos hay maabong nagaistar nga engkanto ag iba pang klase it taglugar.
Sa pihak kara, kinahang-ean gihapon ro pangamuyo agud nga makit-an eon ro eawas ni Flores.
