Ginkalipay it mga senador ro pag-isyu ni Pangueong Ferdinand Marcos Jr it executive order angot sa daeayon nga pag-ban it mga Philippine Offshore Gaming Operators (POGO) sa nasyon.
Suno kay Senate President Pro Tempore Jinggoy Estrada, pamatuod nga pagapanindugan it presidente ro naging desisyon nana pilang buean eon ro nakataliwan bangud eon man sa mga nag-eapta nga sindikatong kriminal nga nagapanago sa operasyon it POGO.
Ginpahayag mat-a ni Senate Committee on Ways and Means Chairman Senador Sherwin Gatchalian, raya hay nagapamatuod sa promisa it gobyerno nga amligan ro mga pumueoyo ag nasyon halin sa mga pang-abuso ag peligro nga daea it POGO.
Ginpasiguro mat-a ni Senador Joel Villanueva nga igapadayon gihapon it Senado ro pagpalig-on sa Anti-POGO Act ag Anti-Online Gambling Act nga ro parehong katuyuan hay wakasan ag penahan ro tanan nga klase it e-gambling sa nasyon.
Samtang, maskin gindayaw ni Senadora Risa Hontiveros ro pag-isyu it presidente it EO, may mga napuna raya nga bukon it klaro.
Siguraduhon sigon ni Hontiveros sa periods of interpellation and amendments nga ro mga gaps ag buho hay mapun-an.
