NATIONAL News — Ginlaygayan ni Philippine Ambassador to the United States Jose Manuel “Babes” Romualdez ro mga Filipino nga ginakabig nga TNT ukon tago-nang-tago ukon ilegal nga nagapabilin sa Estados Unidos nga indi eon paghueaton nga ma-deport ukon igatapok pabalik it nasyon kasunod it pagdaog ni President-elect Donald Trump.
Sa sangka online forum nga gin host it Foreign Correspondents Association of the Philippines (FOCAP), gin-insister ni Romualdez nga sa pagdaog ni Trump, mahambae nga hueuyapon eon lang ro mga inadlaw it tanan nga mga immigrants sa Estados Unidos.
Ginlaygayan ni Romualdez ro kapin sa 250,000 hasta 300,000 nga mga Filipino nga ilegal nga naga-istar sa Estados Unidos ukon owa it “any kind of status” nga dapat nga boluntaryong magbalik eon it Pilipinas ukon umpisahan nga asikasuhon ro andang mga dokumento.
Sa oras nga ma-deport, may una eon lang nga 99% nga indi eon makabalik pa it Amerika.
Nagpaandam man si Romualdez sa mga Filipino nga indi pwedeng pirme eon lang sanda nga magpanago bangud nga ro pagbaeayluhan it impormasyon sa linya it mga ahensiya sa America hay mas madali eon makaron.
Sa pihak nga parte, sa victory speech ni Trump, gin-insister kara nga igasarado nana ro borders sa Estados Unidos ag magapatuman it hugut nga laye kontra sa illegal aliens.
Sa makaron hay may una nga 4,640,313 nga Filipinos sa US as of last year, kun sa siin base sa datos halin sa US Department of Homeland Security nga ro Filipino hay may fifth largest unauthorized immigrant population sa Estados Unidos nga may naga-abot sa 350,000 ko 2022.
