Kalibo Aklan ——-Ginataw-an eamang makaron ro mga tourism workers sa Isla it Boracay it palugit nga hasta sa 12 oras agud nga makabalik eagi sa andang mga gina-obrahan nga mga resorts ag hotels sa oras nga magguwa sa Isla.
Raya hay base sa ginpaguwa nga Executive Order No. 003, series of 2021 it Provincial Government.
Madumduman nga umpisa ko buean it Disyembre hay gin-umpisahan ro libreng COVID-19 RT-PCR tests sa tanan nga mga nagatrabaho sa Boracay agud nga masiguro ro andang ikamayad nga eawas ag kaeowasan it mga turista nga andang makasalamuha matapos nga buksan ro Isla sa publiko.
Ro mass testing hay ginpangunahan it Provincial Health Office, Department of Health ag MHO-Malay .
Gina engganyo man kara ro tanan nga kon mahimo hay likawan nga magguwa sa Isla kon owa man lang it importanteng transaksyon eabi eon ro mga nag-negatibo sa RT-PCR tests .
Nasayuran nga nagtaeana ro Department of Tourism it P8 milyong pesos nga pondo nga gintau sa Provincial Government para gamiton sa swab tests it mga trabahante it Boracay.
