KALIBO, Aklan — Dumagsa ro mga turista sa isla it Boracay ko nagtaliwan nga Undas.
Suno kay Lt. Commander Joe Luis Mercurio, Philippine Coast Guard (PCG)-Aklan commander nga nag-abot sa masobra sa 8,000 ro mga nagsueod sa isla nga ginakaeakipan it mga turista, residente ag trabahador.
Nauna eon kara nga ginpahayag it PCG nga indi maeabag ro carrying capacity para sa mga turista nga 6,405 kada adlaw.
Hugot sigon nandang ginpatuman ro pagsuksok it life jacket sa mga pasahero it motorbanca.
Samtang, nakaangkon it full deployment ro andang tropa sa beachfront agud nga mabantayan ro mga nagapaligos nga turista.
Kabulig sigon nanda ro kapin sa 200 nga mga volunteer lifeguards nga ginpaidaeom sa training antes ro Boracay reopening ko Oktubre 26.
Nagapadayon man ro pagpatrolya it andang mga floating assets sa bug-os nga Boracay ag kaeapit nga mga isla.
