KALIBO, Aklan — Ginkumpirma it Department of Environment and Natural Resources (DENR) nga ginapasugtan ro mga paraw sailing, island hopping ag mga watersports activities sa isla it Boracay sa uman kara nga pagbukas sa mga turista sa Oktubre 26.
Suno kay DENR Undersecretary Benny Antiporda nga temporary eamang ro pagsuspinde sa nasambiatng mga aktibidades it hasta sa daywang dominggo sa reopening.
Ginpaathag it opisyal nga ro temporaryong pagpapundo hay agud taw-an it daean ro assessment sa marine biodiversity ag pag-draft it mga regulasyon.
Ro mga water sports ag diving activity sigon hay igabalik “by stages.”
Gin-insister kara nga mag-eowas eon sa nasambitang mga aktibidades hay sangka atraksiyon ag ginboe-an pa raya it pangabuhian it mga Boracaynon ag Malaynon.
Plano sa makaron it Boracay Inter-Agency Task Force nga magtaeana it common terminal para sa mga water sports activities agud inde maging sab-eag sa front beach ag mga turistang nagapaligos.
Ro marine biodiversity assessment hay ginapangunahan it Biodiversity Management Bureau it DENR kaibahan ro Boracay Business Administration of Scuba Shops (BBASS) ag mga water sports association sa isla.
