-- ADVERTISEMENT --
KALIBO, AKLAN – Bangud sa isyung pang-seguridad, inde eon masaksihan it mga kandidata it Miss Universe ro masadya ag makolor nga Sto. Niño Ati-Atihan Festival sa Enero 14 sa Kalibo, Aklan.
Ginpahayag ni SPO1 Nida Gregas, public information officer it Aklan Police Provincial Office nga imbes sa Kalibo International Airport hay sa Caticlan Airport eon magahugpa ro eroplanong pagasakyan it ginatantyang 20 nga mga kandidata.
Apang, gin-abisuhan sigon sanda it Department of Tourism nga mangin haom sa anumang last minute nga pagbag-o sa schedule.
Nasayuran nga sa sangka hotel sa Brgy. Balabag magaderetso ro mga kandidata para sa sangka photo shoot.
Insigida sigon nga magabalik sa Maynila ro mga raya sa hapon.
-- ADVERTISEMENT --
