KALIBO, Aklan—Nakaexperiensiya it haeos tatlong oras nga mahina nga supply it tubi ro mga miyembro-kunsumidor it Metro Kalibo Water District ukon MKWD kaina it agahon partikular sa banwa it kalibo ag New Washington tuga it unplanned shutdown bangud sa maintenance works.
Suno kay Frederick Buenavidez, public information officer it MKWD nga may ginpatigayon sanda nga emergency wheel maintenance sa andang Bubog pumping station umpisa alas-9 it agahon hasta alas-12 it udtro adlaw rason nga nakaangkon it low water pressure.
Tuyo sigon it andang preventive maintenance nga makaangkon it maayos nga water system.
Nagpaguwa sigon sanda it nagakaigo nga public advisory agud nga ro andang mga customers hay maka-stock it tubi.
Pagkatapos sigon it maintenance work hay uman nga nagbalik ro normal nga water pressure.
