Padayon nga nakamonitor ro ginbansagang “The Monster” ship it China ukon CCG 5901 sa barko it Pilipinas nga BRP Teresa Magbanua nga nagabantay sa Escoda shoal sa West Philippine Sea base sa monitoring it US maritime expert nga si Ray Powell.
Nagapabilin ro Monster ship sa Sabina shoal sa kaeayuon nga 600 meters halin sa BRP Teresa Magbanua.
Madumduman nga gindeploy ro BRP Teresa Magbanua sa Escoda shoal halin pa ko buean it Abril ag nagapabilin raya sa lugar sa tunga it mga naireport nga reclamation activities it China sa lugar.
Nauna eon nga ginkumpirma it Philippine Navy nga bumalik ro Monster ship sa Ayungin shoal kon sa siin nakaistasyon ro BRP Sierra Madre it Philippine Navy matapos magpatigayon it intrusive patrol sa West Philippine Sea halin Hunyo 17 hasta 27.
