KALIBO, Aklan — Ginpaboran ni Aklan Congressman Carlito Marquez ro moratorium sa diving ag iba pang sports activities agud maka-rekober ro coral ag marine ecology sa diving sites sa Boracay.
Raya hay kasunod it ginpatigayong pagtuon it Department of Environment and Natural Resources (DENR) nga amat-amat eon nga nagakamatay ro coral reefs bangud sa waea-tuo nga diving activities ag pagkalhit it crown-of-thorns nga nagakaon sa mga corals.
Samtang, gin-engganyo man ni Marquez ro DENR nga magtaeana it parking areas para sa mga bangka sa beach front nga temporaryong pagagamiton bilang entry points sa isla bangud sa nagapadayon nga construction sa main road.
Nagakabaeaka man ro kongresista sa magiging epekto kara sa coral reefs it mga ginahueog nga angkla kamana man ro posibleng pagtagas it langis.
Nagapabiling 25 ka mga resorts ag hotels ro pagasugtang maka-operate sa pagbukas it isla sa Oktubre 26.
